Іshki ister mınıstri qyzmetkerleriniń jumysyndaǵy kemshilikterdi atady
ASTANA. QazAqparat - Qazaqstanda 70 myńǵa jýyq maskúnem tirkeýge alynǵan. Bul týraly búgin Úkimettiń selektorlyq rejimdegi otyrysynda QR Іshki ister mınıstri Qalmuhanbet Qasymov aıtty, dep habarlaıdy QazAqparat tilshisi.
Mınıstrdiń aıtýynsha, birqatar qylmystardyń aldyn alýǵa baǵyttalǵan jumystardy júrgizý ýchaskelik polıtsııa ınspektorlarynyń mindetine jatady. Alaıda sońǵy ýaqytta qylmystyń aldyn alý jumysynda olardyń róli tómendeı túsýde. Bul qyzmettiń múmkindikterin ákimder de áli tolyq paıdalanbaı otyr.
«Ýchaskelik polıtsııa ınspektorlarynyń maskúnemdikpen, alkogolızm profılaktıkasy boıynsha júrgizip jatqan jumystarynyń kerekti nátıjesi baıqalmaıdy. Aýyr qylmystardyń shamamen 60-70 paıyzy kóbinese turmystyq salada maskúnemder tarapynan jasalady. Qazirgi ýaqytta 70 myńǵa jýyq maskúnem polıtsııa jáne densaýlyq saqtaý oryndarynyń baqylaýynda»,- dedi ol.
Onyń sózine qaraǵanda, elimizdegi medıtsınalyq saýyqtyrý jáne alkogolızmnen emdeý ortalyqtarynyń sany jetispeıdi. Ótken jyly osy uıymdarǵa 5 300 adam jiberilgen. Sonyń bir myńnan astamy emdeýden ótpegen.
«Sebebi tósek-oryndar jetispeıdi. Ýchaskelik ınspektorlar qolaısyz otbasylarmen naqty jumystar júrgizbeıdi. Osyǵan baılanysty bul salada aýyr qylmys azaımaı jatyr. Árıne ýchaskelik ınspektorlardyń qyzmetinde kemshilikter bar. Biraq, shynyn aıtsaq olardyń barlyǵyna birdeı jumys jaǵdaıy jasalmaǵan. Mysaly búgingi tańda ýchaskelik polıtsııa pýnktteri jetkiliksiz. Qosymsha 440 pýnkt salý kerek. Al 1500 pýnktti kúrdeli jóndeýden ótkizý qajet»,- dedi Qalmuhanbet Qasymov.
