Іshki ister mınıstri qyzdy qutqarǵan polıtseılerdi marapattady
NUR-SULTAN. QazAqparat - Іshki ister mınıstri Erlan Turǵymbaev kúni keshe Qaraǵandyda qyzdy qutqaryp qalǵan patrýldik polıtsııa qyzmetkerlerin qabyldady, dep habarlaıdy QazAqparat QR ІІM baspasóz qyzmetine silteme jasap.
Vedomstvo basshysy polıtsııa leıtenanty Erasyl Murat pen polıtsııa serjanty Bekzat Omashevqa jedeldik tanytyp, batyldyq kórsetkeni úshin alǵysyn bildirip, polıtseılerdi ІІM-niń «Quqyq tártibin qamtamasyz etýge qosqan úlesi úshin» medalimen marapattady.
Polıtsııa qyzmetkerlerin marapattaý Nur-Sultan qalasynda Mınıstrlik ortalyq apparatynyń qyzmetteri men bólinisteri basshylarynyń qatysýymen ótti.
«Myńdaǵan jas qyzmetkerler kún saıyn azamattarymyzdyń tynyshtyǵy men qaýipsizdigin qamtamasyz etý jolynda qyzmet etýde. Olarǵa ár túrli jaǵdaılarda jumys isteýge týra keledi, olar ataq úshin emes, óziniń qyzmettik jáne azamattyq boryshyna sáıkes batyrlyq áreketter jasaıdy. Sizderdiń batyl isterińiz osynyń dáleli jáne barlyq jeke quramǵa úlgi» – dep atap ótti Erlan Turǵymbaev.
ІІM qyzmetkerleri (qutqarýshylar, polıtseıler, Ulttyq ulannyń áskerı qyzmetshileri) jyl saıyn ottan, sýǵa batýdan, sýıtsıd áreketinen jáne jazataıym oqıǵalardan 10 myńnan astam adamdy qutqarady.
