Іshki ister mınıstri karantın sharalaryn kúsheıtýge daıyn ekendigin aıtty
NUR-SULTAN. QazAqparat – Іshki ister mınıstri Erlan Turǵymbaev quqyq qorǵaý organdary elde karantın rejımin kúsheıtýge daıyn ekenin málimdedi, dep habarlaıdy QazAqparat tilshisi.
Erlan Turǵymbaevtyń aıtýynsha ishki ister organdary karantın rejımin kúsheıtip, eldegi qoǵamdyq tártipti saqtaýǵa daıyn.
«Qazirgi tańda bizdiń mınıstrlik densaýlyq saqtaý salasynyń organdaryna karantındik jáne shekteý sharalarynyń saqtalýyna kómektesip keledi. Bul maqsatta kún saıyn 10 myńnan asa polıtseı, Ulttyq ulan sarbazdary men volonterlar jumys isteýde. Eki oblystaǵy bas sanıtarlyq dárigerdiń qaýlysyna sáıkes, eki aımaqta tórt blok-post pen eki sanıtarlyq post qoıyldy. Sonymen birge polıtsııa 299 karantın nysanyn baqylaýda ustap otyr. Sonymen birge, medıtsınalyq mekemelerdiń suraýy boıynsha koronavırýs juqtyrǵan azamattarmen baılanysta bolǵan azamattardy anyqtap jatyrmyz», - dedi Erlan Turǵymbaev Úkimet otyrysynda.
Onyń aıtýynsha buǵan deıin polıtsııa qyzmetkerleri densaýlyq saqtaý salasynyń mamandary jáne jergilikti atqarýshy organdardyń ókilderimen birge el ishinde 5 myńnan astam birlesken reıd júrgizgen. Osynyń arqasynda karantın rejımin buzýdyń 28 myń jaǵdaıy anyqtalǵan. Onyń 4600 jaǵdaıy saýda ortalyqtarynda, dúkender men bazarlarda tirkelse, 1700 fakt meıramhanalar men basqa da tamaqtaný oryndarynda bolǵan.
