Іshki ister mınıstri qalalardyń karantınge jabylýyna qatysty úndeý jasady
NUR-SULTAN. QazAqparat – Nur-Sultan men Almaty qalalarynda karantınniń engizilýine qatysty Іshki ister mınıstri Erlan Turǵymbaev úndeý jasady, dep habarlaıdy QazAqparat tilshisi.
«Búgin túnde, ıaǵnı 19 naýryzdan bastap Almaty men Nur-Sultan qalalarynda karantın engiziledi. Osyǵan oraı vırýs taramaýy úshin jergilikti ákimdikter jabylatyn oryndardy belgilep, qalalarǵa kirip-shyǵý máselesin pysyqtap jatyr. Ol týraly qosymsha habarlanady. Al ázirge polıtsııa qyzmetkerleri qalaǵa kiretin barlyq joldy baqylaý aldy. Almaty boıynsha 27 blokpost qoıyldy. 900-den astam polıtsııa men áskerı qyzmetshi shyqty. Nur-Sultan boıynsha jeti blokpost qoıylyp, 500-den asa qyzmetker jumysqa kirisedi. Sonymen birge, beketterde sanıtarlyq dárigerler, jergilikti atqarýshy organdarynyń ókilderi qyzmet atqarady», - dedi Erlan Turǵymbaev «Habar 24» arnasynan tikeleı efırden sóılegen sózinde.
Mınıstr óz sózinde avtokólikter men adamdardyń qozǵalysyna shekteý engiziletinin jetkizdi.
Bul rette mınıstr azyq-túlik, dári-dármek tasıtyn kólikterge qalaǵa kirýge tyıym salynbaıtynyn málimdedi.
«Qazaqstan tarıhynda mundaı sharalar birinshi ret ótip jatyr. Sol úshin adamdar bul jaǵdaıdy sabyrmen qabyldaýy kerek. Qazir bizdiń qoǵam birlik pen túsinistik emtıhanynan ótip jatyr. Halyqaralyq tájirıbe tolyqqandy oqshaýlyqtyń jemisti nátıjege jetkizetinin kórsetip otyr», - dedi ol.
