Іshki ister mınıstri halyq qalaýlylaryn quqyq qorǵaý salasynda oryn alyp otyrǵan máselelerden habardar etti
ASTANA. 5 naýryz. QazAqparat - Ótken jyly turǵyndardy tirkeý men qujattandyrý quzyry Іshki ister mınıstrligine qaıta berildi.
Osyǵan oraı qazir kóshi-qon salasyndaǵy memlekettik qyzmetter ishki ister quramynda. Alaıda bul máselege qatysty qazir sheshimin kútip otyrǵan bir problema bar. Ol jergilikti jerlerde tirkeý men qujattandyrý jónindegi bólimshelerdi qurý bolyp otyr. Bul týraly búgin Parlament Májilisiniń Qorǵanys jáne qaýipsizdik komıtetiniń kóshpeli otyrysynda ishki ister salasynyń ótken jyly atqarǵan isteri jóninde baıandaǵn Іshki ister mınıstri Qalmuhambet Qasymov aıtty.
Onyń sózine qaraǵanda, qazir ishki ister salasynda sheshilmegen máseleler áli jetkilikti. «Naqtyraq aıtqanda, biz áli Ádilet mınıstrliginen shtat birlikterin tolyq alǵan joqpyz. Osyǵan
qaraı elimizdiń kóptegen aımaqtarynda qajetti bólimsherlerdiń qyzmeti jolǵa qoıylǵan joq. Sonymen qatar, biz qujattarǵa qatysty óndiris jumystaryn da talapqa saı atqara almaı otyrmyz. Astana men Almaty qalasynda ornalasqan eki memlekettik qazynalyq kásiporyn shekten tys jumys atqarýda. Sondyqtan aldaǵy ýaqytta biz Shymkent pen Aqtóbe qalasynda atalǵan kásiporyndardyń taǵy 2 fılıalyn ashý máselesin qolǵa alǵaly otyrmyz. Olar elimizdiń ońtústik jáne batys óńirlerine jedel túrde qujattandyrý máselesin sheshýge yqpal etedi»,- dedi mınıstr.
Onyń sózinshe, atalmysh kásiporyndardyń jumysyn jolǵa qoıýǵa 1,9 mıllıard teńge qajet.
