Іshki ister mınıstri elorda polıtseılerine «Halyq alǵysy» medalin tabystady
Vedomstvo basshysy Polıtsııa departamentiniń jeke quramymen kezdesip, jyl qorytyndysyn shyǵardy, sondaı-aq, elordalyq polıtsııa qyzmetine baǵa berdi.
«Sizder elimiz úshin mańyzdy sheshimder qabyldanatyn jáne mańyzdy saıası oqıǵalar ótetin elordanyń tynyshtyǵyn qorǵap, qoǵamdyq qaýipsizdikti qamtamasyz etesizder» - dep atap ótti Іshki ister mınıstri.
Erlan Turǵymbaev Qazaqstan Respýblıkasy Prezıdentiniń tapsyrmasyn iske asyrý aıasynda azamattardyń quqyǵy men qaýipsizdigin qamtamasyz etý boıynsha jumysty kúsheıtý qajet ekendigin atap ótti.
«Polıtsııa qadamdyq qoljetimdilikte» qaǵıdaty boıynsha negizgi ról halyqpen tikeleı qarym-qatynas jasap, sheshim qabyldaıtyn ýchaskelik polıtsııa ınspektorlaryna júktelgen. Qazirgi ýaqytta elordalyq polıtsııada ýchaskelik polıtsııa ınspektorlarynyń jumysy úshin barlyq jaǵdaılar jasalǵan, materıaldyq-tehnıkalyq baza aıtarlyqtaı nyǵaıtylǵan.
Óz kezeginde elordalyq Polıtsııa departamentiniń basshysy elimizdiń bas qalasyndaǵy jaǵdaı turaqty ekendigin atap ótti. Aǵymdaǵy jyly tirkelgen qylmystar sany 5 myńǵa azaıǵan. Jańa jyldy merekeleý qarsańynda polıtsııa qyzmetkerleri qyzmet atqarýdyń kúsheıtilgen nusqasyna kóshirildi jáne azamattardyń tynyshtyǵy men qaýipsizdigin qamtamasyz etýge daıyn.
Erlan Turǵymbaev kezdesý barysynda elordalyq polıtsııa qyzmetkerlerine pandemııa kezeńinde atqarǵan qyzmeti úshin Qazaqstan Respýblıkasy Prezıdenti Qasym-Jomart Toqaevtyń jarlyǵymen marapattalǵandarǵa «Halyq alǵysy» medalin tabystady, sonymen qatar, Departamenttiń jeke quramyn kele jatqan Jańa jyl merekesimen quttyqtap, aldaǵy ýaqytta elordadaǵy zańdylyq pen quqyqtyq tártipti nyǵaıtý boıynsha alǵa qoıǵan mindetterdi oıdaǵydaı oryndaýlaryna tilektestik bildirdi.