Іshki ister mınıstri birinshi orynbasarynyń jaýaby Baqytjan Saǵyntaevtyń shamyna tıdi
ASTANA. QazAqparat - Búgin Úkimettiń selektorlyq rejimdegi otyrysynda Іshki ister mınıstriniń birinshi orynbasary Janat Súleımenovtiń naqty saýalǵa sydyrtpa jaýaby Premer-Mınıstrdiń shamyna tıdi, dep habarlaıdy QazAqparat.
Úkimet basshysy Baqytjan Saǵyntaev birinshi vıtse-mınıstrden ShQO ákimi Danıal Ahmetovtiń óńirde sý tasqynymen kúreske tehnıka men qural-jabdyqtardyń jetispeıtindigine qatysty sózine pikir bildirýin ótingen edi.
«Bul másele boıynsha demalys kúni Ulttyq ulan ushaǵymen OQO, Almaty, Pavlodar oblystarynan qosymsha jeke quram men tehnıka jetkizdik», - dep jaýap berdi Janat Súleımenov.
«Durys, joq bolǵannan keıin basqa oblystardan alyp otyrsyz. Danıal Kenjetaıuly norma boıynsha osynsha bolýy kerek, shyn máninde basqa tsıfr dep aıtyp otyr. Óte tómen. Mınıstrlik tarapynan qandaı is-sharalar jasalyp otyr?», - dedi Premer-Mınıstr.
«Ruqsat bolsa, ol týraly meniń baıandamamda joq» - dedi ol.
Іshki ister mınıstri birinshi orynbasarynyń bul jaýaby Baqytjan Saǵyntaevtyń shamyna tıdi.
«Baıandamańyzǵa jazyp bergen joq qoı. Sonda sizder qalaı basqarasyzdar? Baıandamaǵa jazyp bergendi oqyp beresiz, jazbasa jaǵdaıdyń ne bolyp jatqanyn bilmeısizder. Sońynan kelip osyndaı jaǵdaıǵa dýshar bolamyz. Tehnıka joq, kombınezon joq, motosorǵy joq, qıyn jaǵdaı bolsa kórshi oblystardan surap alamyz. Túsinikti», - dedi Premer-Mınıstr.
