Іshki ister mınıstri Almaty aýrýhanasynda jatqan polıtseıdiń jaǵdaıyn bildi
ALMATY. QazAqparat –Іshki ister mınıstri Erlan Turǵymbaev Almatydaǵy jaǵdaıdy jeke baqylaýǵa aldy. Búgin ol jumys saparymen qalaǵa arnaıy keldi, dep habarlaıdy QazAqparat tilshisi Polisia.kz. silteme jasap.
Mınıstr №7 qalalyq klınıkalyq aýrýhanada jatqan polıtsııa qyzmetkeri aǵa leıtenant Erbulan Seıdazymnyń jaǵdaıyn bilýge bardy.
Apattan soń dárigerler oǵan birikken jaraqat, bas súıeginiń jabyq jaraqaty, mıdaǵy aýyr kontýzııa, jaq súıeginiń epıdýraldy qan ketýi dıagnozyn qoıdy. Zardap shekken polıtseıge eki operatsııa jasaldy. Bas súıeginiń rezektsııaly trepanatsııasy jáne bas súıek ishindegi gematoma alyndy.
Erlan Turǵymbaev dárigerler konsılıýmyna qatysty. Mamandardyń aıtýynsha, patsıenttiń jaǵdaıy aýyr, biraq onyń ómirine esh qaýip tónip turǵan joq.
Dárigerlermen áńgimeleskennen keıin mınıstr polıtsııa qyzmetkeriniń tez saýyǵyp ketýin tiledi.
Eske salsaq, qaıǵyly oqıǵa 25 mamyr kúni tańǵa jýyq № 4 blokposta bolǵan. BMW júrgizýshisi mas kúıinde beton qorshaýǵa soǵylyp baryp, ınertsııamen patrýldik polıtsııa kóligin qaqqan. Sonyń kesirinen eki polıtsııa qyzmetkeri kóz jumdy.
Úshinshi polıtsııa qyzmetkeri jansaqtaý bóliminde jatyr
Apatqa kináli júrgizýshi buryn polıtsııada jumys istegen.
Qaıǵyly oqıǵadan keıin 3 laýazymdy qyzmetker jumystan bosatyldy.
