Іshki ister departamentiniń ókilderi Qala kúnin merekeleý jumystaryn pysyqtady
ASTANA. Maýsymnyń 29-y. QazAqparat /Aıdar Ospanalıev/ - Elordanyń 12 jyldyǵy merekesin atap ótý maqsatynda Іshki ister mınıstrligi Astana qalalyq Іshki ister departamentine merekelik sharalardy ótkizý kezinde qoǵamdyq tártipti jáne azamattardyń qaýipsizdigin qamtamasyz etý boıynsha naqty tapsyrmalar berdi,
dep habarlaıdy QazAqparat.
Departament málimetterine qaraǵanda, atalmysh tapsyrmalardy birneshe kezeńderge bólip qarastyrýǵa bolady. 1-shi, ıaǵnı daıarlyq kezeńi boıynsha departament basshylyǵy qaladaǵy qoǵamdyq tártip pen jol qaýipsizdigin qamtamasyz etý josparyn bekitti. Sondaı-aq basshylyq quramynan jedel shtab quryldy. Al maýsymnyń 23-inen beri elordalyq garnızonnyń jeke quramy kúsheıtilgen qyzmetke kóshirilip, bul jumystar shildeniń 8-ine deıin jalǵasady. Maýsymnyń 23-i men 27-si aralyǵynda elorda kóshelerinde tártip qalyptastyrý maqsatynda «Kóshe» aldyn alý jedel sharasy ótti. Buǵan qosa ishki ister organdarynyń jeke quramy men ishki áskerdiń ornalasý jospary bekitilgen.
Departament ókilderine berilgen tapsyrmalardyń ekinshi kezeńi merekege qatysýshylar men qala qonaqtarynyń qaýipsizdigin qamtamasyz etý maqsatynda ǵımarattardyń ishi-syrtynda táýlik boıy kúzet qoıý, mádenıet jáne sport nysandaryn kúzetý, túngi kezekshilik uıymdastyrý sııaqty sharalardy qamtıdy. Al 3-shi kezeń boıynsha merekelik sharalardy ótkizý kezinde qoǵamdyq tártipti qamtamasyz etý jumystary qortyndylanatyn bolady.
