Іshki áskerlerdiń Batys quramasy óz mindetin abyroımen oryndap keledi - Q.Aqtanov
ORAL. 10 qańtar. QazAqparat - 10 qańtar - Qazaqstan ishki áskerleriniń qurylǵan kúni. Osydan jıyrma bir jyl buryn Elbasy Jarlyǵymen QR ІІM ishki áskerleri qurylǵan bolatyn.
Bul týraly Batys quramanyń komandıri, polkovnık Qaırat Aqtanov málim etti.
Onyń aıtýynsha, elimiz egemendik alyp, ishki áskerler qurylǵannan beri óz qyzmetinde úzdik shyqqany, erlik kórsetkeni úshin 120-dan astam áskerı qyzmetker jaýyngerlik jáne memlekettik nagradalarmen marapattaldy.
Batys quramanyń jeke quramy da óz qyzmettik-jaýyngerlik mindetin jaýapkershilikpen oryndaýda. Qazirgi tańda Oral qalasynda shtaby ornalasqan Batys quramanyń quramyna Oral, Aqtóbe, Aqtaý jáne Atyraý qalalarynda ornalasqan áskerı bólimder kiredi. Jyl saıyn jaýyngerler «Quqyq tártibi», «Bekire», «Mıgrant», «Qarý» syndy jedel aldyn alý sharalaryna qatysady, sondaı-aq 5517, 6656 jáne 3502-áskerı bólimder bólimsheleri birlesken reseılik-qazaqstandyq, respýblıkalyq jattyǵýlarda shyńdalýda.
Ótken jyly qoǵamdyq tártip pen qaýipsizdikti qamtamasyz etý maqsatynda 935 jaýyngerlik mindet oryndaldy. Jaýyngerlerdiń qatysýymen 518 qylmys ashylyp, túrli ákimshilik quqyqbuzýshylyqqa barǵany úshin 17041 adam ustaldy. 5 atys, 175 sýyq qarý, 13 kg 700 gramm esirtki tárkilendi. Túzetý mekemelerindegi qaraýyldardyń batyl qımyly nátıjesinde kúzetiletin nysanǵa tyıym salynǵan 427 zattyń laqtyrylýyna jol berilgen joq, 1049 lıtr spırttik ishimdik, 808 gramm esirtki, 303 uıaly telefon alyndy.
2012 jyldyń qorytyndysy boıynsha Batys qurama boıynsha 6655-áskerı bólimi (polk komandıri, podpolkovnık E.Chokýshev) jeńimpaz atansa, 5517-áskerı bólim (komandıri, maıor M.Qurmantaev) - ekinshi, 6656-áskerı bólim (komandıri, maıor H.Qazenov) úshinshi oryndy ıelendi.
«Aldaǵy ýaqytta da Batys qurama jaýyngerlik daıyndyǵyn arttyra túsip, eldiń batys aımaǵynda ózine júktelgen mindetti sapaly oryndaıtyn bolady», dedi Q.Aqtanov.
