Іshki áskerdiń «Qalqanyna» 50 jyl
ASTANA. 14 qyrkúıek. QazAqparat - 2011 jyldyń 28 qyrkúıeginde Qazaqstan Respýblıkasy Іshki áskerleri «Qalqan» gazetiniń jaryq kórgenine 50 jyl tolady. Bul týraly Іshki áskerlerdiń baspasóz qyzmeti men «Qalqan» gazetiniń redaktsııasynan habarlady.
Іshki áskerdiń «Qalqan» gazetiniń 50 jyldyǵyna arnalǵan saltanatty jıyn 2011 jyldyń 30 qyrkúıegi kúni Astanada QR Іshki ister mınıstrligi Іshki áskerleriniń komıtetinde ótedi. Onyń barysynda QR ІІM men Іshki ásker qolbasshylyǵy atynan «Qalqan» gazetine eńbegi sińgen ardagerler men tilshilerge marapattaýlar tapsyrylatyn bolady. Sondaı-aq, Іshki áskerdiń qarý-jaraq tehnıkalary men «Qalqan» gazetiniń baspa ónimderi qoıylǵan kórme ótedi.
Gazet tarıhynan qysqasha úzindi. 1961 jyldyń 28 qyrkúıeginde Keńester Odaǵy Іshki ister mınıstrligi Іshki áskerleriniń Qazaq KSR jáne Qyrǵyz KSR boıynsha basqarmasy saıası bóliminiń organy «Na boevom postý» gazeti jaryq kórdi. Gazettiń alǵashqy redaktory L. Kozelskıı basylymdy qalyptastyrýǵa jan-jaqty eńbek etti.
El egemendik alǵan jyldary keńestik dáýirden qalǵan armııa ózgeristerge ushyrap, ásker túrleri qaıta quryla bastady. 1992 jyldyń 10 qańtarynda QR Prezıdenti N. Nazarbaevtyń Jarlyǵymen QR ІІM Іshki áskerleri quryldy. Ásker gazetiniń ataýy «Qalqan»-«Şıt» bolyp ózgertildi. Bas redaktor bolyp Vıktor Fraıdenberg, onyń orynbasarlyǵyna belgili jýrnalıst Saǵıdolla Kóshimbaev taǵaıyndaldy.
2004 jyldyń qańtarynda gazettiń bas redaktorlyǵyna podpolkovnık Sádýaqas Jubatov taǵaıyndalyp, osy ýaqytqa deıin basqaryp keledi. 2004 jyldyń naýryz aıynan beri gazet ataýy «Qalqan» bolyp ózgertildi.
2005 jyldyń naýryz aıynda «Qalqan» gazetiniń qosymshasy retinde túrli-tústi bezendirilgen «Búrkit» jýrnalynyń alǵashqy nomeri jaryq kórdi. Al 2009 jyldyń sáýir aıynan bastap «Búrkit» jýrnalynyń qosymshasy - oqý-ádistemelik materıaldar jınaǵy «Іshki ásker jarshysy» shyǵa bastady. Eki aıda bir ret shyǵatyn bul basylym da óz oqyrmandaryn tapty.
2009 jyldan bastap «Qalqan» gazeti redaktsııasy janynan vıdeostýdııa quryldy. Vıdeostýdııa kapıtan Dmıtrıı Degtıarevtiń basshylyǵymen osy ýaqyt ishinde ishki áskerdiń jaýyngerleri qyzmeti jóninde «Habar» telearnasy jáne «Gold-medıa» shyǵarmashylyq ortalyǵymen birge birneshe derekti fılmderdi dúnıege ákeldi. Bul oraıda kapıtan Asqar Nurpeıisov, leıtenant Evgenıı Pavlovskıı jáne aǵa leıtenant Sanat Qumarov, serjant Oleg Býlanovtar belsene kirisip, fılmderdi jasaýǵa shyǵarmashylyq úlesterin qosýda.
Qazirgi ýaqytta redaktsııa ujymynda bas redaktordyń orynbasary podpolkovnık Altaı Sıyrbaev, bólimshe bastyǵy podpolkovnık Aıtkúl Myrzataeva, óńirlik tilshiler: maıorlar Erbolat Sultanov pen Alfııa Ahmedjanova, kapıtan Erjan Ábdirahmanov, aǵa leıtenant Rýslan Jangýlın jáne Danagúl Alǵojına, Astanadaǵy tilshiler - Aleksandra Ótepova, Rýslan Qaıyrkenovter sekildi áskerı taqyrypta qalamdary ushtalǵan jýrnalıster elimizdiń ár túkpirindegi áskerı bólimderge is-saparǵa barýǵa qashan da daıyn.
