Іshki áskerdiń áskerı-ákimshilik júıesi jetildiriledi - Májilis
ASTANA. 5 jeltoqsan. QazAqparat - Búgin QR Parlamenti Májilisiniń jalpy otyrysynda palata depýtattary «Qazaqstan Respýblıkasynyń Іshki ister mınıstrligniń Іshki áskerleri týraly» zańyna ózgerister men tolyqtyrýlar engizý týraly» zań jobasyn maquldady.
Májilis maquldaǵan qujat Parlament Senatyna joldanady.
Atalǵan qujattyń maqsaty QR Qarýly Kúshteriniń uıymdyq qurylymyna uqsas Qazaqstan Respýblıkasynyń ákimshilik-aýmaqtyq birlikteriniń shekaralary sheginde óńirlik qolbasshylyqtar qurý jáne óńirlik qolbasshylyq basshysynyń ókilettikterin zańnamalyq turǵyda aıqyndaý arqyly Іshki áskerlerdiń áskerı-ákimshilik júıesin jetildirý bolyp tabylady.
«Zań jobasyn júzege asyrý barysynda áskerı basqarý organdarynyń sany ońtaılandyrylady. Sol boıynsha qazirgi jalpy sany 578 birlikti quraıtyn 8 brıgadalyq basqarma qaıta qurylymdalyp, 4 óńirlik qolbasshylyqqa aýystyrylady, onda 340 birlik qalady. Bosatylǵan 238 birlik baǵynyshty áskerı bólimshelerge qaraı bólinetin bolady», - dedi zań jobasy boıynsha baıandaǵan Іshki ister mınıstri Qalmuhanbet Qasymov.
