Іshki ásker jaýyngerleri segiz adamdy órtten qutqardy - BQO
ORAL. 13 qańtar. QazAqparat - Oral qalasynda 5517-áskerı bólim jaýyngerleri toǵyz qabatty úılerdiń birinde bolǵan órtten segiz adamdy (onyń úsheýi - bala) qutqardy.
«Batys» óńirlik qolbasshylyǵy baspasóz qyzmetinen túsken málimetke qaraǵanda, 11 qańtar kúni 22 saǵat 15 mınýt shamasynda 6-shaǵynaýdanda quramynda kishi serjant Serik Sálıev, qatardaǵy jaýynger Ádilhan Chekmanov bas áskerı topqa №68 turǵyn úıde turatyn áıel 63-páterden tútin shyǵyp jatqanyn habarlaıdy. Sol boıda olar bolǵan oqıǵany kezekshige habarlap, ózderi oqıǵa ornynan segiz adamdy jedel alyp shyǵady. Sodan keıin esikti buzyp kirgen áskerıler tótenshe jaǵdaılar qyzmetkerlerimen birge dıvanda uıyqtap jatqan M.Merǵalıevti shyǵarady. Oǵan jedel járdem kelgenshe alǵashqy medıtsınalyq kómek kórsetiledi. Sosyn órt sóndirýshiler kelgenshe órtti de sóndiredi.
Óz mindetterin úlgili oryndaǵany jáne batyldyǵy úshin atalǵan jaýyngerler marapatqa usynyldy.
