Іshinde 50 000 teńge bar ámııanǵa qol salyp, ury atandy
ASTANA. QazAqparat - Qostanaı oblysy Jitiqara aýdandyq sotynyń 2014 jylǵy 23 qyrkúıektegi úkimimen 1974 jyly týǵan Jitiqara qalasynyń turǵyny jalpy tártiptegi túzetý kolonııasynda jazasyn óteý úshin eki jylǵa bas bostandyǵynan aıyryldy, dep habarlady aýdandyq sottyń baspasóz qyzmetinen.
«Sot otyrysynda sottalýshy QR QK-niń 175-babynyń 1-bóligi boıynsha taǵylǵan aıyp boıynsha kinásin tolyq moıyndady. Sotta ol Jitiqara qalasy, 12 shaǵyn aýdanynda ornalasqan A.-nyń páterinde bola turyp, bólmede turǵan shkaftan ishinde 50 000 teńge aqshasy bar ámııandy jasyryn túrde urlaǵanyn, urlanǵan aqshany spırttik ishimdikterge jáne azyq-túlik tamaqqa jumsaǵanyn aıtty. Budan basqa sot úkimimen jábirlenýshiniń talaby tolyq kóleminde qanaǵattandyrylyp, ol jábirlenýshiniń paıdasyna 50 500 teńge zııan somasy jáne 505 teńge memlekettik baj somasy óndirilip berdi», delingen habarlamada.
