Іshimdikke toıyp alyp, qoǵamdyq kólik júrgizgen ózbek azamaty ustaldy
ALMATY. 31 tamyz. QazAqparat /Ádilet Musahaev/ - Almaty qalasyndaǵy Ortalyq kók bazar men Altyn orda bazarlary arasyndaǵy 339 baǵytty qoǵamdyq kólikti ózbek elinen kelgen azamattyń júrgizgeni anyqtaldy.
Jol polıtseıleri ishinde 23 jolaýshysy bar bul avtobýsty tańǵy saǵat 6 shamasynda qujat tekserý úshin toqtatqan, dep hbarlady Almaty qalasy ІІD baspasóz qyzmeti.
«Quqyq tártibi» arnaıy is-sharasy aıasynda kúsheıtilgen tártipte qyzmet atqaryp júrgen jol saqshylary nazarlaryna ilikken qoǵamdyq kólik júrgizýshisiniń qujattaryn tekserý úshin toqtatady. Jol saqshylarynyń kúdigin týdyrǵan júrgizýshi densaýlyǵynyń nasharlap turǵanyn aıtyp, aqtalyp baǵady. Alaıda aýzy-murnynan araq ıisi ańqyp turǵan álgini jol polıtseıleri medıtsınalyq saraptamaǵa jóneltedi. Saraptama nátıjesi onyń spırttik ishimdik ishkendigin anyqtap berdi»,-deıdi Almaty qalasy ІІD Jol poıtsııa basqarmasy bastyǵynyń orynbasary polıtsııa podpolkovnıgi Muhtar Amanbekov.
«Búgingi tańda qoǵamdyq kólik júrgizetin júrgizýshilerdiń jaýapkershiliginiń joqtyǵynan túrli jol-kólik oqıǵalary oryn alýda. Ásirese, elimizge basqa kórshiles memleketterden kelip, aqsha taýyp júrgen azamattarǵa el aýmaǵyn attaýǵa qatań tyıym salý qajet. Osy oraıda jańa oqý jyly qarsańynda almatylyq jol saqshylary qoǵamdyq kólikterdi erekshe nazarda ustap, olardyń tehnıkalyq jaǵdaıyn jiti teksermek. Al mas kúıinde kólik júrgizgen bul ózbek azamaty sot sheshimimen júrgizýshilik kýáliginen aıyrylyp qana qoımaı, el aýmaǵynan alastatylatyn bolady»,- dep atap kórsetti M.Amanbekov.
