Іshimdikke toıǵan praporşık 24 soldatty soqqyǵa jyqty
BІShKEK. QazAqparat - Qyrǵyzstannyń Jalal-Abad oblysy Tash-Qumyr qalasynda ishimdikke sylqııa toıyp alǵan praporşık 24 soldatty soqqyǵa jyqty. Bul týraly «Kabar» agenttigi Azaptaýlardyń aldyn alý jónindegi ulttyq ortalyqqa (AAUO) silteme jasap habarlady.
Málim etilgendeı, AAUO-ǵa Tótenshe jaǵdaılar mınıstrliginiń áskerı bóliminde 24 sarbaz soqqyǵa jyǵylǵany týraly aqparat túsken.
«Bizge aqparat túskennen keıin, mán-jaıdy anyqtaý úshin ókilimizdi jiberdik. Soldattardyń sózinen belgili bolǵandaı, 10 maýsym kúni tańǵy saǵat 5-te ishimdikke toıyp alǵan praporşık kirip kelip, sarbazdarǵa álimjettik kórsete bastaǵan - denelerin jerge tıgizip, kótertken, jatqyzyp qoıyp urǵan, soqqylar jasaǵan», - dedi ortalyq dırektory Nýrdın Sýlaımanov.
9 áskerı qyzmetshiniń ıeginiń asty jyrtylǵan. Olardyń keıbirine tigister salý qajet bolǵan.
Praporşık 48 saǵatqa qamaýǵa alynyp, qylmystyq is qozǵaldy.
Oqıǵanyń tergep-tekserilýin Qyrǵyzstannyń Tótenshe jaǵdaılar mınıstri óz baqylaýyna aldy.
