Іshimdikke táýeldilikten aryltatyn uıaly telefon baǵdarlamasy oılap tabyldy

Amerıkanyń medıtsınalyq qaýymdastyǵynyń resmı jarshysynda jarııalanǵan málimetterge sáıkes, atalmysh baǵdarlama smartfon ıesi kelýshilerge ishimdik usynatyn ǵımaratqa jaqyndaǵanda qatty dybys berip, dabyl qaǵady eken. Sondaı-aq A-CHASS baǵdarlamasynyń qosymsha qyzmetterine paıdalanýshylarǵa ishimdiktiń zııany týraly aqparattar jiberip otyrý men olardyń arasynda saýalnama júrgizý de kiredi. Eger jaýaptar qandaı da bir kúdik týdyrsa, baǵdarlama bul týraly dereý dárigerge habar jetkizedi. Sonymen qatar «aqyldy» baǵdarlama ornatylǵan smartfon ishimdikke táýeldilikpen kúres júrgizetin sarapshylarmen shuǵyl baılanysqa shyǵyp, ǵalamtordaǵy sáıkes siltemelerge baǵyttap otyrady, dep jazady ITAR-TASS. Atalmysh maqalada Vıskonsın, Massachýsets jáne Illınoıs shtatynyń medıtsına mamandary júrgizgen zertteý nátıjeleri keltirilgen. Olar alkogolızmnen arylýǵa nıettengen 349 adamdy bir jyl boıy baqylaǵan. Olardyń 170-si basqa tásildermen qosa, atalmysh baǵdarlamany da paıdalanǵan, al 179-y ony qoldanbaǵan. Nátıjesinde ǵalymdar birinshi toptyń ókilderi ekinshi toptaǵylarmen salystyrǵanda, alkogol ónimderine táýeldilikten jyldam ári tıimdi arylǵan degen tujyrym jasady.