Іshimdikke sylqııa toıǵan mınıstr jol-kólik oqıǵasy ornynan izin sýytty
ASTANA. 1 qarasha. QazAqparat - Altaı Respýblıkasynyń Densaýlyq saqtaý mınıstri Igor ıAımov jol apatyna túsip, oqıǵa ornynan qashyp ketti, dep habarlaıdy «Gazeta.Ru» saıtynan.
BAQ ókilderiniń habarlaýynsha, mınıstr «Medavtotransqa» tıesili Mitsubishi Pajero kóligin mas kúıinde basqarǵan. Málimetter boıynsha, ol araqashyqtyq qaýipsizdigin saqtamaýy saldarynan Toyota Corolla kóligimen soqtyǵysyp, oqıǵa ornynan izin jasyrǵan.
Densaýlyq saqtaý mınıstri I. ıAımovke qatysty eki hattama toltyryldy - mas kúıin anyqtaýǵa qatysty medıtsınalyq tekseristen ótýge qarsylyq bildirgeni úshin jáne oqıǵa ornynan izin sýytqany úshin.
