Іshimdikke sylqııa toıǵan er adam Jaıyq ózenine batyp ketti
ORAL. QazAqparat - BQO-nyń Aqjaıyq aýdanynda er adam Jaıyq ózenine batyp ketti, dep habarlaıdy QazAqparat tilshisi.
BQO TJ departamenti jedel qutqarý jasaǵy sýdan qutqarý qyzmetiniń basshysy Alekseı Eremeevtiń aıtýynsha, oqıǵa keshe Chapaev aýylynda tús shamasynda boldy.
1983 jylǵy er adam mas kúıinde sýǵa túsýge ruqsat etilmeıtin jerden túsken. Marqumnyń denesin saǵat 15.50-de № 6 jedel qutqarý jasaǵy bóliminiń qyzmetkerleri (5 adam 1 tehnıka, 1 júzý quralynyń kómegimen) alyp shyqty.
BQO TJ departamentiniń baspasóz qyzmetinen túsken málimetke qaraǵanda, ázirge jyl basynan beri oblysta eki adam sýǵa ketken bolyp eseptelip otyr. Qalǵandary boıynsha sebebi sot-medıtsınalyq saraptama qorytyndysyna sáıkes belgili bolady.
Eske sala keteıik, budan buryn óńirde taǵy bir adamnyń sýǵa ketkenin jazǵan bolatynbyz.
