Іshimdikke sylqııa toıǵan elorda qonaǵy kózine túsken kólikti aıdap áketken
ASTANA. 18 qazan. QazAqparat - Astana qalasy ІІD «Barys» jedel-izdestirý tobynyń qyzmetkerleri qala kósheleriniń birinde júrip kele jatqan artqy terezesi synǵan kólikke nazar aýdarady.
Saqshylar istiń mán-jaıyn anyqtaý úshin kúdikti bolyp kóringen kólik quralyn toqtatady.
Kólik rólinde mas kúıde elorda qonaǵy bolǵan. Belsendi qarsylyq kórsetpegen Qostanaı oblysynyń buryn sottalǵan 27 jastaǵy turǵyny tanystarymen úı aýlasynda spırt ishimdigin ishkendigin aıtty. Іshimdik bitkennen soń bótelkelester óz úılerine tarasqan. Saqshylar ustaǵan jigittiń úıge barǵysy kelmegen. Jan-jaǵyna qaraǵan ol túnde turaqta turǵan kórshisiniń kóligin kóredi.
Keshti ári qaraı qalada kólikpen serýendeýdi tańdaǵan elorda qonaǵy kóliktiń artqy terezesin syndyrý arqyly kólik salonyna kirgen. Úı aýlasynan eshkimge kórinbeı qozǵaltqyshty qyzdyryp júrip ketedi. Ol aıdap áketken kólikte qala kóshelerinde serýendeý kópke uzamady. «Barys» jedel-izdestirý tobynyń qyzmetkerleri qyraǵylyq tanytyp, oqıǵa áýeskerin qolǵa túsirgen. Qazirgi ýaqytta ustalǵan tulǵaǵa qatysty QR Qylmystyq Kodeksiniń 185-baby boıynsha qylmystyq is qozǵaldy.
