Іshimdikke sylqııa toıǵan eki jedel járdem brıgadasy ustaldy
ASTANA. QazAqparat - RF Astrahan oblysyndaǵy Jol qozǵalysy qaýipsizdiginiń memlekettik ınspektorlary aýdandyq aýrýhana fılıalynyń eki jedel járdem brıgadasynyń qyzmetkerlerin alkogoldik ishimdikke sylqııa toıyp alǵan kúıinde ustady. Spırttik ishimdikterdi medıtsına qyzmetkerlerimen birge qyzmettik mashınanyń rólindegi júrgizýshiler de paıdalanǵan eken.
Bul týraly reseılik BAQ habarlady.
Jergilikti áıel 18 jastaǵy sińlisine eki márte jedel járdem shaqyrǵanyn jáne qos brıgadanyń da medıtsınalyq qyzmetkerleri mas bolǵanyn polıtsııaǵa habarlaǵan.
Osy aqparatty tekserý barysynda, jol ınspektorlary emdeý mekemesiniń mańynda jedel járdem avtokóligin toqtatyp, júrgizýshini tekserýge jibergen. Keıin onyń aǵzasynda spırttik ishimdik paıdalaný faktisi anyqtaldy.
Keıin Kırov eldi mekeninde polıtsııa qyzmetkeri tekserý júrgizip, alkogoldik ishimdikke sylqııa toıyp alǵan ekinshi brıgadany ustady.
Atalǵan bıgadalar kezekshilikten shettetilip, osy oqıǵa boıynsha tekserý júrgizildi.
Medıtsına qyzmetkerlerine qoǵamdyq oryndarda mas kúıinde júrgeni úshin ákimshilik quqyq buzýshylyq týraly hattama toltyryldy, al kólikti mas kúıinde basqarǵan júrgizýshige 30 myń rýbl (shamamen 150 myń teńge) aıyppul salynady jáne ol birneshe jylǵa júrgizýshi kýáliginen aıyrylady.
