Іshimdikke sylqııa toıǵan eki qyz Almatydaǵy bankterdiń birinde lań saldy
ALMATY. 6 qyrkúıek. QazAqparat /Ádilet Musahaev/ - Kúndizgi saǵat ekiler shamasynda Almaty qalasynyń ІІD Jedel basqarý ortalyǵyna qaladaǵy banktiń biriniń qyzmetkeri telefon shalyp, alkogoldi ishimdikke sylqııa toıyp alǵan eki qyzdyń janjal shyǵaryp, banktiń múlkin búldirgeni týraly habar bergen, dep habarlady qalalyq ІІD baspasóz qyzmeti.
«Bank qyzmetkerleri bas kótergen boıjetkenderdi ózdiginen tynyshtandyrmaq bolǵan. Alaıda olar qolyna túsken zattyń bárin syndyra bastaǵan. Sol kezde baryp olar polıtsııaǵa habarlaǵan. Patrýldik polıtseıler qyzdardy qolǵa túsirdi. Bul azamatshalar aýdandyq ishki ister basqarmasyna barar jolda tipti dórekilik tanytyp, patrýldik kóliktiń terezesin syndyryp, esiktiń tiregin maıystyrdy. Medıtsınalyq kýálandyrý olardyń ortasha dárejedegi alkogoldi masańdyqta ekendigin kórsetti. Boıjetkender tek túnge qaraı aıyǵyp, sol kezde ǵana tergeýshilerdiń suraǵyna tushymdy jaýap bere bastady»,- dep habarlady Medeý aýdandyq ІІB bastyǵy polıtsııa polkovnıgi Baqyt Qasabekov.
Bul aralyqta bank qyzmetkerleri ózderiniń buzaqy klıentterin jaýapkershilikke tartý týraly aryz jazǵan. Banktiń fılıalyna keltirilgen zııan mólsheri 18 myń teńgeni quraǵan.
«Atalǵan fakti boıynsha tergeý jumystary sol kúni-aq bastaldy. Qyzdar óz kinásin moıyndaýda. Qazir tıisti úrdisti amaldar júrgizilýde. Bul azamatshalardyń qylyqtary buzaqylyq retinde dárejelendi. Sonymen qatar, olar mindetti túrde qyzmettik polıtseılik avtokólikti zaqymdaǵany úshin jaýapkershilikke tartylatyn bolady. Eki qyz da 21 jasta, olardyń ekeýi de esh jerde jumys istemeıdi jáne oqymaıdy»,- dedi óz sózinde B. Qasabekov.
