Іshimdik satý talaptaryn buzǵan oraldyq kásipkerler 2,3 mln astam teńge tóleıdi
ORAL. QazAqparat - Alkogoldy ónimder ótkizý talaptaryn buzǵany úshin Oral qalasy mamandandyrylǵan ákimshilik soty salǵan aıyppuldyń jalpy mólsheri 2 mln 349,302 myń teńgeni qurady, dep habarlaıdy «QazAqparat» tilshisi.
BQO sotynyń baspasóz qyzmetinen túsken málimetke qaraǵanda, «Etıl spırti men alkogol óniminiń óndirilýi men aınalymyn memlekettik retteý týraly» QR Zańy 9-babyna sáıkes meıramhana, bar, kafelerden basqa jerlerde saǵat túngi 23.00-den kelesi kúngi 08.00-ge deıin alkogol ónimin satýǵa tyıym salynǵany belgili. Osy zańdylyqty buzǵany úshin QR Ákimshilik quqyqbuzýshylyq kodeksi 200-baby 3-bóligine sáıkes bıyl 26 kásipker jaýapqa tartyldy. Kásipkerlik nysandarynyń sanattaryna baılanysty olarǵa 22 690 teńgeden 181 520 teńgege deıin aıyppul salyndy.
Qazirgi tańda sonyń 992 440 teńgesi ǵana erikti túrde tólengen. Qalǵany memleket paıdasyna májbúrli túrde óndirilýde.
