Іshimdik iship, tórt birdeı adamdy óltirgen jas qylmyskerler ustaldy - ІІM
ASTANA. 16 aqpan. QazAqparat /Arman Asqarov/ - Shyǵys Qazaqstan oblysynyń polıtseıleri tórt birdeı adamdy óltirgen 18-22 jastaǵy qylmyskerlerdi ustady.
Bul týraly búgingi baspasóz máslıhatynda QR Іshki ister mınıstrliginiń resmı ókili Qýanyshbek Jumanov málim etti.
Olar aǵymdaǵy jyldyń qańtar aıynyń basynda otbasy jubyn óltirip, máıitterin qoımaǵa jasyrǵan. Tergeý barysynda qandyqol qylmyskerlerdiń jábir kórgenderdiń úıinde spırttik ishimdikter iship, artynan oryn alǵan janjaldyń nátıjesinde úı ıesin pyshaqtap, onyń jubaıyn soqqyǵa jyqqandary anyqtaldy. Erli-zaıyptylar alǵan jaraqattardan qaıtys boldy. Tergeý jalǵasyp, Rıdder qalasynyń týmasy bolyp tabylatyn osy eki qylmyskerdiń qalanyń 25 jastaǵy eki turǵynyn óltirýge qatysy bar ekendigi anyqtaldy. Olardyń máıitteri ótken jyldyń qarasha aıynda tabylǵan bolatyn. Polıtsııa qyzmetkerleriniń derekteri boıynsha jábirlenýshiler men kúdiktiler oqıǵa bolǵan kúni birge spırttik ishimdikter ishken. «Qazirgi ýaqytta ustalǵandar qamaýǵa alynyp, olardyń osyǵan uqsas ashylmaǵan qylmystarǵa qatysy bar-joǵy tekserilýde», - deıdi Q.Jumanov.
