Іshimdik iship, eldiń mazasyn alǵan úsh jolaýshy poıyzdan túsirildi
ShALQAR. QazAqparat – Kólik polıtseıleri «Atyraý-Almaty» baǵytyndaǵy poıyzdan masaıyp qalǵan úsh jolaýshyny túsirip alyp qaldy, dep habarlaıdy QazAqparat tilshisi Kóliktegi polıtsııa departamentiniń baspasóz qyzmetine silteme jasap.
«Shalqar stantsııasynda kólik polıtseıleri «Atyraý - Almaty» baǵytyndaǵy poıyzdan úsh jolaýshyny alyp qaldy. Tekserý barysynda 1971, 1978 jáne 1985 jyly týǵan úsh azamattyń masaıyp, ózderin ashýly ustap, adamdardyń ar-namysyna til tıgizgeni, osylaısha jolaýshylardyń tynyshtyǵyn buzǵany anyqtaldy. Úsheýi de - Jambyl oblysynyń turǵyndary», - dep habarlaıdy departamentten.
Medıtsınalyq tekserý barysynda úsheýiniń orta dárejede mas bolǵany belgili bolǵan.
«Quqyq buzýshylarǵa qatysty QR ÁQBjK 440-baby 1-bóligi boıynsha ákimshilik hattama toltyrylyp, 5 AEK (12 625 teńgeden) kóleminde aıyppul salyndy» delingen habarlamada.
Jyl basynan beri jalpy 46 301 adam ákimshilik quqyqbuzýshylyqqa tartylyp, onyń 5501-i alkogoldik ishimdik iship, eldiń tynyshtyǵyn buzǵany úshin jazalanǵan. Olarǵa jalpy somasy 85 mln teńgeniń aıyppuly salynǵan.
