Іshek juqpaly indetiniń qurbandar sany 18 adamǵa jetti
ASTANA. 3 maýsym. QazAqparat - Ótken aptadan beri Germanııany dúrliktirgen ishek juqpaly dertinen beısenbige qaraǵan túni taǵy bir áıel kóz jumdy.
Osymen eýropalyq qaýipti indetten qaza bolǵandardyń sany 18 adamǵa jetti, dep jazady Ýtro.ru.
Buǵan deıin Shvetsııada atalmysh aýrýdan taǵy bir adam qaıtys bolǵany jóninde habarlanǵan bolatyn. Sońǵy málimetterge sáıkes, Germanııada osy dertke shaldyqqandardyń sany 2 myńnan asady.
Juqpaly indettiń qozdyrǵyshy Escherichia coli enterogemorragıkalyq bakterııasy (ishek taıaqshasy). Bul bakterııalardyń kóbisi negizinen zııansyz, degenmen keıbiri, máselen, enterogemorragıkalyq ishek taıaqshalary syndy túrleri (EHEC), ishek qurylysynyń buzylýyna ákep soǵýy múmkin. Derttiń alǵashqy belgileri Germanııanyń soltústik óńirlerinde tirkelgen bolatyn.
