Іshek ınfektsııasynan qaıtys bolǵandardyń sany 35 adamǵa jetti
ASTANA. 13 maýsym. QazAqparat - Germanııada E.coli bakterııasy týǵyzǵan ishek ınfektsııasynan taǵy tórt adam kóz jumdy.
Bul týraly jeksenbi, 13 maýsym kúni nemistiń resmı vedomstvolary málim etti, dep habarlaıdy RBK agenttigi.
Sóıtip, osynaý qaterli ınfektsııadan kóz jumǵandardyń sany 35 adamǵa jetti. Aýrýlardyń aldyn alý jáne baqylaý jónindegi eýropalyq ortalyqtyń málimeti boıynsha, búgingi tańda bul qaýipti ınfektsııany 3256 adam juqtyrǵan, 812 adamnyń naýqasy aýyr.
Nemis medıkteriniń aıtýynsha, indetten qaıtys bolǵandardyń qatary áli de kóbeııýi múmkin. Degenmen, ınfektsııany juqtyrýdyń jańa oqıǵalary saıabyrsyp keledi. "Taǵy bir aqparattar boıynsha, Germanııada bul aýrý saýyǵyp shyqqan 100 adamnyń búırek qyzmetin buzǵan, onyń saldary uzaqqa sozylýy yqtımal", - deıdi mamandar.
Mamandardyń paıymdaýynsha, ınfektsııanyń oshaǵy Tómengi Saksonııanyń fermalarynyń birinde ósetin burshaq tuqymdy daqyldardan tarap otyr.
