Іshek ınfektsııasynan qalaı saqtanýǵa bolady
ALMATY. QazAqparat – Almatydaǵy №11 qalalyq emhananyń joǵary sanatty ınfektsıonıst dárigeri Perýza Aryqova qaýipti ınfektsııanyń sebepteri men aldyn alý joldaryn túsindirdi, dep habarlaıdy QazAqparat tilshisi.
Dárgerdiń aıtýynsha, ishek ınfektsııalary jyldyń barlyq mezgilinde bolady. Desekte, adamdar jazda kóbirek aýrady. Bul aýa raıynyń ystyǵyna baılanysty.
Іshek ınfektsııalarynyń eń qaýiptisi salmonellez, dızenterııa jáne taǵamdyq toksıkoınfektsııa.
Eger ishek ınfektsııasyn ýaqytynda emdemese, onda bul adamǵa degıdratatsııamen qaýip tóndiredi.
Іshek ınfektsııasynyń alǵashqy belgileri ár túrli jolmen kórinýi múmkin: bas aınalý, júrek aıný, qusý, ishtiń mezgil-mezgil aýyrýy, dıareıa, qaltyraý.
«Іshek ınfektsııasy aǵzaǵa kir qol, ashyq sý jáne durys saqtalmaǵan taǵamdar, jýylmaǵan kókónister men jemister arqyly juǵady. Sondyqtan qolyńyzdy sabynmen jıi jýyp, qaınaǵan sý iship, tek jańa daıyndalǵan taǵamdarmen tamaqtaný kerek «, - deıdi maman.
Іshek ınfektsııasy – birinshi kezekte as qorytý jolyn zaqymdaıtyn juqpaly aýrýlardyń toby. Onyń paıda bolýyna negizinen mıkroaǵzalardyń bakterııa, vırýs syndy túrleri sebep. Infektsııa kózi – naýqas adam nemese jiti ishek ınfektsııa qozdyrǵyshtarynyń tasymaldaýshysy. Aınaladaǵy adamdar úshin, ásirese, aýrýdyń jeńil, anyq baıqalmaıtyn jáne sımptomsyz túrlerine shaldyqqandar óte qaýipti.
