Іshek bakterııalary adamdy tez qartaıtady
Adam isheginde densaýlyǵy úshin mańyzdy ról atqaratyn trıllıondaǵan mıkroaǵza bar.
Jaqynda ǵana Developmental Cognitive Neuroscience jýrnalynda jarııalanǵan nátıje ishektegi mıkroaǵzalardyń alýantúrliligi bizdiń fızıkalyq formamyzǵa ǵana emes, qartaıý jyldamdyǵyna da áser etetinin kórsetti.
Zertteý avtory, professor Jolt Radaktyń sózinshe, Venger sport ǵylymdary ýnıversıtetiniń mamandary ashqan jańalyq probıotıkterdi densaýlyq pen uzaq jasaý úshin paıdalanýǵa bolatynyn dáleldedi.
Radak komandasymen birge Býdapeshte ishek mıkrobıomasynyń alýantúrliligi men bıologııalyq jas, ıaǵnı ómir súrgen jylymen emes, densaýlyq jaǵdaıymen anyqtalatyn jas jáne 80 áýesqoı eskekshiniń fızıkalyq daıyndyǵy arasyndaǵy baılanysty zerttedi.
Zertteý aıasynda ár qatysýshy birqatar fıtnes-baǵalaýdan ótip, ishekte bakterııa bar-joǵyn jáne bıologııalyq jasyn anyqtaý úshin taldaý tapsyrdy.
«Biz qabyný protsesin týdyratyn bakterııalar qartaıýdy jedeldetetinin anyqtadyq. Jedel qartaıý degenimiz – sizdiń óz hronologııalyq jasyńyzdan kári bolýyńyz» dep atap ótti Radak Euronews Next-ke bergen suhbatynda.
Osylaısha, eskekshilerdiń ishek mıkrobıomyndaǵy bakterııalardy taldaı kele zertteýshiler paıdaly bakterııalar kóp bolsa – fızıkalyq forma kórsetkishteri jaqsaryp, qartaıý qarqyny baıaýlaıtynyn anyqtady.
Qazirgi ýaqytta Radak komandasy jartyjyldyq qaıta zertteý júrgizip jatyr. Onda mamandar eskekshilerdiń ishek mıkrobıomyn probıotıktermen almastyrdy.
Osy arqyly probıotıkter bıologııalyq jasqa qalaı áser etetinin baǵalaıdy.
Zertteý nátıjesi 2024 jyldyń basynda jarııalanady dep josparlanyp otyr.
