Qazaqstandyq balýan Ishar Kýrbaev álem chempıonatynyń qola júldegeri atandy
ASTANA. KAZINFORM — Qazaqstandyq balýan Ishar Kýrbaev Astanada ótip jatqan grek-rım kúresinen álem chempıonatynda qola medal jeńip aldy.
55 kelige deıingi salmaqta synǵa túsken otandasymyz úshinshi oryn úshin ótken beldesýde Úndistan ókili Lalıtten basym túsip, merziminen buryn jeńiske jetti.
Aıta keteıik, búgin, 25 qazanda, taǵy bir qazaqstandyq balýan Aıdos Sultanǵalı (60 kelige deıin) qola medal úshin beldesedi.
Eske salaıyq, buǵan deıin Almatbek Amanbek grek-rım kúresinen álem chempıonatynyń jartylaı fınalyna óte almaǵanyn habarlaǵan edik.
