‎Isekeshev jol syzyqtaryn belgileý nelikten kúndiz jasalyp jatqanyn túsindirdi

ASTANA. QazAqparat -  Astana qalasynyń ákimi Áset Isekeshev joldaǵy syzyqtardy belgileýdiń nelikten túnde emes  kúndiz júrgizilgenin túsindirip berdi, dep habarlaıdy QazAqparat.

«Nelikten mundaı jumystar Almaty qalasyndaǵy sekildi túnde júrgizilmeıdi? Mindetti túrde kúndiz jasalýy kerek pe, onsyzda kólik keptelisi kóp», - dep jazdy áleýmettik jeli qoldanýshysy Feısbýktegi elorda máselesine qatysty topta.

Áset Isekeshev bul jumystar aýa raıy qolaısyzdyǵyna baılanysty kúndizgi ýaqytta jasalyp jatqanyn atap ótti. 

«Jol belgilemesin syzý aýa raıyna baılanysty keshiktirilýde. Bul jumystardy júrgizý jáne sapasyn qamtamasyz etý úshin qajetti aýa temperatýrasy +15 gradýs. Kún jylyna bastaǵanda, aldaǵy ýaqytta jumys kúndiz de túnde de júrgiziledi. Jaısyzdyqtar úshin keshirim suraımyz. Osy jumystarmen qatar joldardy jóndeý júrgiziledi», - dep jaýap berdi Áset Isekeshev.