Isekeshev jańa tehnologııalardy engizýdegi eńbegi úshin TMD medalimen marapattaldy

ASTANA. QazAqparat - TMD-nyń astanalary men iri qalalarynyń halyqaralyq assambleıasynyń 25-shi sessııasy barysynda elorda ákimi Áset Isekeshev «TMD-ǵa 25 jyl» medalimen marapattaldy. Mereıtoılyq medaldi  «TMD-nyń ekonomıkalyq damýy iskerlik ortalyǵy» kommertsııalyq emes seriktestiginiń bas dırektory Vladımır Savchenko tabystady, dep habarlaıdy QazAqparat.

«Búgin biz TMD-nyń astanalary men iri qalalarynyń halyqaralyq assambleıasynyń 25-shi sessııasyna qatysyp otyrmyz. Jıyn barysynda qalalardy basqarý boıynsha jańa basqarýshylyq qurylymdardy qurý, halyq úshin zamanaýı jaıly baspanalar salý máselelerin talqylaımyz. TMD Atqarýshy komıteti men Іskerlik keńesiniń atynan Astana qalasynyń ákimi Áset Isekeshev pen TMD-nyń astanalary men iri qalalarynyń halyqaralyq assambleıasynyń prezıdenti Irek ıAlalovty quttyqtap, «TMD-ǵa 25 jyl» medalin tabys etýge ruqsat etińzider. Sizderge jańa tehnologııalardy engizýdegi belsendi jumystaryńyz úshin rızashylyǵymdy bildiremin», - dedi Savchenko.

Jıynǵa qaýymdastyqqa múshe 28 qalanyń 100-ge jýyq ókili, 5 halyqaralyq birlestik pen 7 ǵylymı jáne saraptamalyq uıymnyń ókilderi qatysýda. Shara barysynda qazirgi zamanǵy jahandyq syn-qaterler jaǵdaıynda qalanyń keshendi ári turaqty damýyn qamtamasyz etý boıynsha ınnovatsııalyq sheshimderdi izdestirýge arnalǵan.

Aıta keteıik, bul qaýymdastyq 1998 jyldyń 3 qyrkúıeginde TMD-nyń 9 memleketiniń 19 iri qalalary ákimshilikteriniń bastamasymen qurylǵan bolatyn. Búginde qaýymdastyqqa TMD-nyń 9 eliniń 87 qalasy, onyń ishinde Qazaqstannyń 9 qalasy kiredi.