Isekeshev TÚKSh-ny tsıfrlandyrý jobasy týraly aıtty
ASTANA. QazAqparat - Astana qalasynyń ákimi Áset Isekeshev turǵyn úı kommýnaldyq sharýashylyǵyn (TÚKSh) tsıfrlandyrý jobasy maquldanǵan jaǵdaıda qandaı aspektilerdiń nazarǵa alynatyny týraly aıtty.
Ákimniń aıtýynsha, «Astana - aqyldy qala» jobasynyń aıasynda «TÚKSh-ti tsıfrlandyrý» jobasy jasalady. Qala basshysy turǵyndardy atalǵan jobaǵa belsene atsalysýǵa shaqyrdy.
«Bul kólemdi ekijaqty jumys, bizge astanalyq ár turǵynǵa sapaly qyzmet kórsetilip, kommýnaldyq sharýashylyqtardyń jumys mehanızmi men olarǵa jasalatyn tólem jumystary túsinikti bolǵany mańyzdy. Sondyqtan bul másele birqatar qoǵamdyq talqylaýlar men ákimdik saıtynda jalpynyń nazarynda bolady»,-dedi Á.Isekeshev.
Á.Isekeshov jýyqta ǵana Astanada «aqyldy úı» tehnologııasy men lıft jumynyń monıtorıng júıesin engizý boıynsha qoǵamdyq tyńdaý ótetinin aıtqan bolatyn.
