Isekeshev saǵat 00.00-07.00 aralyǵynda birneshe aýdanda sý joq bolatynyn aıtty
ASTANA. QazAqparat - Astana qalasynyń ákimi Áset Isekeshev Feısbýk áleýmettik jelisindegi jeke paraqshasynda búgin túngi saǵat 00.00 men erteń tańǵy saǵat 07.00 aralyǵynda qalanyń birneshe aýdanyndaǵy úıler men ártúrli maqsattaǵy nysandarda sý bolmaıtynyn málim etti, dep habarlaıdy QazAqparat.
Ákimniń aıtýynsha, qala qarqyndy damyp jatyr. Tıisinshe, qalanyń qazirgi qýatyn arttyrý úshin ınfraqurylymdyq jobalardy júzege asyrý qajettigi týyndap otyr, dep jazdy Á.Isekeshev.
«Búgingi tańda «Myńjyldyq» alleıasy men jańa temirjol vokzaly aýdandaryn sýmen jabdyqtaý boıynsha B. Momyshuly kóshesi boıymen jańa sý qubyry jobasy aıaqtaldy.
Búgin túngi saǵat 00:00 men tańǵy saǵat 07:00-ge deıin biz sol sý qubyryn júıege qosamyz. Turǵyndarǵa yńǵaıly bolý úshin, ádeıi osy ýaqytty tańdadyq. Osy ýaqyt aralyǵynda osy aýdandaǵy birqatar əleýmettik nysandar men turǵyn úı keshenderine sý berý toqtatylady. Ərıne, barlyq mekemelerge, órtke qarsy qyzmetke jəne basqa jedel əreket etý qyzmetterine aldyn ala aıtyldy. Sondyqtan, osy qyzmetterdiń jumysyna qajetti sý qory jetkilikti bolady. Esil aýdanynyń qalǵan bóliginde, sonyń ishinde Turan jəne Qabanbaı batyr dańǵyldarynda sý qysymy tómendetiledi»,-dep jazdy ákim.
Qala ákimniń jazýynsha, bul aqparatqa qatysty Astana Sý Arnasy tolyq məlimet taratqan.
