Isekeshev, Raý, Baqaýov: Qazaqstandaǵy alǵashqy energııa únemdeý salasyndaǵy marapat ıegerleri anyqtaldy
Marapattyń alǵashqy ıegerleri Áset Isekeshev – Qazaqstan Respýblıkasynyń Tuńǵysh Prezıdenti – Elbasy Qorynyń Atqarýshy dırektory, Bolat Baqaýov – Pavlodar oblysynyń ákimi, Albert Raý – QR Parlamenti Májilisiniń depýtaty, Arman Máýleshev – «QazAzot» AQ bas dırektory, Tımýr Nurashev – Eýrazııa ekonomıkalyq komıssııasy tehnıkalyq retteý departamentiniń dırektory, Syrym Nurǵalıev – BUUDB jobasynyń menedjeri, Oljas Álibekov – «Elektr energetıkasyn damytý jáne energııa únemdeý ınstıtýty» AQ basqarmasy tóraǵasynyń orynbasary, Dáýren Toqbaev «Qazaqstan Energııa aýdıtorlary qaýymdastyǵy» ZTB prezıdenti, Ermek Marabaev – «Nort Kaspıan Opereıtıng kompanı N.V» basqarýshy dırektorynyń orynbasary jáne Taýmurat Luqpanov Memlekettik Energetıkalyq Tizilim ortalyǵynyń ShQO boıynsha óńirlik ókili.
Marapat energııa únemdeý salasynyń jumyskerlerine, sonymen qatar energııa únemdeýdi damytýǵa jáne energııa tıimdiligin arttyrýǵa jeke úlken úlesin qosqan tulǵalarǵa, energetıkalyq resýrstardy tıimdi paıdalaný salasyndaǵy kórnekti ázirlemeler úshin tabystalady. Sonymen qatar kadrlardy daıyndaýdaǵy jáne olardyń biliktiligin joǵarylatýdaǵy joǵary jetistikter úshin, Qazaqstan Respýblıkasynyń energııa únemdeý jáne energııa tıimdiligin arttyrý salasyndaǵy zańnamalyq bazasyn jetildirýge qosqan jeke úles úshin beriledi. Marapatpen energııa únemdeýdi damytý salasyndaǵy kópjylǵy adal eńbek pen Qazaqstan halqynyń arasynda energııa únemdeý tálim-tártibin taratýdaǵy jetistikter de atap ótiledi.
«Energııa únemdeý salasyna qosqan úlesi úshin» tós belgisi vedomstvolyq marapattar tizbesine QR úkimetiniń qaýlysyna sáıkes 2019 jylǵy 8 qarashada engizildi.
