Isekeshev pəter satyp alamyn degen astanalyqtarǵa keńesin aıtty

ASTANA. QazAqparat - Elorda ákimi Áset Isekeshev pəter satyp alamyn degen astanalyqtarǵa keńesin aıtty, dep habarlaıdy QazAqparat tilshisi. Ákimniń aıtýynsha, astanalyqtar pəter satyp alar kezde ol úı ortalyq jylý jelisine qosylǵan ba, joq pa, sony anyqtap alǵany jón.  

«Men pəter satyp alamyn degen azamattarǵa birden ol úı ortalyqtandyrylǵan jylý jelisine qosylǵan ba, joq pa, sony bilip alyńyzdar der edim. Astanalyqtar pəter satyp alady da, keıin ol avtonomdy jylý jelisine qosylǵanyn aıtqan soń, baǵasy qymbat ekenin bilip jatady. Ərıne, qaıtalap óteıin, biz  jaýapkershilikten qashyp otyrǵan joqpyz, biz úılerdiń bərin ortalyqtandyrylǵan jylý jelisine qosamyz. Saryarqa aýdany - úlken məsele, sebebi, magıstraldi jelige qosylmaǵan. Qazir osy məseleni sheshkimiz keledi»,-dedi əkim «Jeti jol» turǵyn úı kesheniniń turǵyndary aıtqan məselege jaýap bere otyryp.

Qala əkiminiń aıtýynsha, qazir Saryarqa aýdanyndaǵy búkil úıdi ortalyqtandyrylǵan jylý jelisine qosatyn jospar əzirlenip jatyr. Sonymen qatar, Ə.Isekeshev atap ótkendeı, jospardy aıaqtaý úshin qosymsha ınvestıtsııa kerek.

«Meniń oıymsha, bir jyl ishinde bul jospar daıyn bolady»,-dedi Isekeshev.

Aıta keteıik, Astana qalasynda birneshe úı avtonomdy jylý jelisine qosylǵan. Budan buryn habarlaǵynymyzdaı, Astanada 600 pəterli úı ara-tura jylýsyz qalyp otyr.