Isekeshev memlekettik-jekeshelik seriktestik jobalaryn keńinen engizýge múddeli
«Qazirgi kezde 6 balabaqsha boıynsha konkýrstar ótti. Sonyń ishinde 4 balabaqshany ınvestordyń ózi salyp, ózi basqaratyn bolady. Jalpy, aldaǵy eki jylǵa biz 30-jýyq jobany anyqtadyq. Ákim ol jobalardyń barlyǵyn bekitti. Sonyń ishindi úlken jobalardyń biri - beınebaqylaý júıesi. Aldaǵy ýaqytta biz qalanyń barlyq jerlerinde beınekameralardy ornatýdy josparlap otyrmyz. Shamamen, 10 myń kamera bolady. Atalǵan jobanyń birinshi kezeńi EKSPO kórmesine deıin iske asady», - deıdi Ábdiqadyrov. Budan bólek, Astana ákimdigi memlekettik-jekeshelik seriktestik negizinde qaladaǵy kóshe jaryǵyn birkelki etip, shamdardy barlyq aýdandarda ornatýdy kózdeıdi. Negizgi maqsat - qoǵamdyq qaýipsizdikti qamtamasyz etý. Oǵan qosa, kóshe shamdarynyń ınfraqurylymyn paıdalana otyryp, «Smart city» jobasynyń tetikteri - beıne baqylaý, kóshe qozǵalysyn retteý jáne Wi-Fi jelisin ornatý josparlanyp otyr. «Sosyn biz qalany tazalaý, sonyń ishinde qardy shyǵarý qyzmetin de memlekettik-jekeshelik seriktestik negizinde júrgizýdi josparlap jatyrmyz. Áset Órentaıuly ózi osy saladaǵy jobalarǵa erekshe kóńil bólip keledi», - dep atap kórsetti basqarma basshysy.
Aıta keteıik, búginde memlekettik-jekeshelik áriptestik negizinde kásipkerler jańa ǵımarat salý, ıa bolmasa, eski nysandy jańǵyrtý arqyly áleýmettik qyzmet kórsetý kásibin jolǵa qoıa alady. Ondaı tájirıbe balabaqshalardy ashý salasynda keńinen taraǵan. Bıznes óz aqshasyn salǵannan keıin sýbsıdııa jáne taǵy basqa ótemaqylardyń esebinen óz shyǵyndaryn aqtaı alady. Oǵan qosa, aqyly qyzmetterdi de kórsetýge múmkindik bar. Osyǵan baılanysty «Memlekettik-jekeshelik áriptestiginiń qazaqstandyq ortalyǵy» AQ kásipkerlerge tegin konsýltatsııalar berip keledi. Ulttyq ekonomıka mınıstrligi osy salada respýblıka boıynsha qolǵa alynǵan jobalardyń sanyn jarııalaǵan bolatyn.
