Isekeshev lıftisi qulaı beretin elordalyq TK turǵyndarymen kezdesti
ASTANA. QazAqparat - Astana ákimi Áset Isekeshev elordanyń Almaty aýdanyndaǵy lıftige qatysty oqys eki oqıǵa tirkelgen turǵyn úı kesheniniń turǵyndarymen kezdesti, dep habarlaıdy QazAqparat.
«Búgin elorda ákimi Áset Isekeshev, Almaty aýdanynyń ákimi jáne turǵyn úı ınspektsııasynyń jetekshisi keshe lıftisi qulaǵan Edem Palas kesheniniń turǵyndarymen kezdesti», - dep jazdy osy keshenniń turǵyny Irına Kostereva áleýmettik jelidegi paraqshasynda.
«Turǵyn úıde másele tek lıftide ǵana emes, - deıdi ol. - Qala basshylyǵy ózimiz saılaǵan PIK-ti tirkeýge kómektesýge, aýmaqty kógaldandyrýǵa, balalar men sport alańyn ornatýǵa qoldaý kórsetiledi dep sendirdi. Seń qozǵaldy desek bolady. Qala ákimshiligi bergen ýádelerin oryndaıdy degen úmittemiz. Demalys kúngi kezdesýge alǵys aıtamyz!».
