Isekeshev kólik ıelerin jolda abaı bolýǵa shaqyrdy
ASTANA. QazAqparat - Elorda ákimi Áset Isekeshev aýa raıynyń buzylýyna baılanysty astanalyq kólik ıelerin jolda abaı bolýǵa shaqyrdy, dep habarlaıdy «QazAqparat» HAA tilshisi.
«Aýa raıy jaǵdaıyna baılanysty qala turǵyndary men meımandaryna qozǵalys baǵdaryn aldyn ala josparlap alýǵa, jol erejelerin saqtaýǵa jáne jolda abaı bolýǵa shaqyramyz. Qaýipsiz jyldamdyqpen júrgen abzal. Sebebi qar jaýyp turǵandyqtan, kólik júrisin tejeıtin jol jıegi keńeıýi múmkin», -deıdi qala ákimi Feısbýk paraqshasynda.
Qazgıdrometke silteme jasaǵan qala ákiminiń saıtyndahabarlanǵanyndaı, Astanada burqasyn men qardyń jaýýy alda 3 kúnge sozylady. 11 qańtarǵa arnalǵan boljam boıynsha kóshpeli bult júrip, qar jaýady, boran soǵyp, kóktaıǵaq bolady.
Sınoptıkterdiń boljaýyna qaraǵanda, 12 qańtar kúni burqasynnyń beti qaıta bastaıdy. Batystan, soltústik-batystan sekýndyna 9-14 metrlik jel soǵyp, túnde aýa temperatýrasy -11...-13 gradýsqa deıin tómendeıdi.
