Isekeshev qoǵamdyq kólikte tegin júrý máselesine pikir bildirdi
ASTANA. QazAqparat - Astana ákimi Áset Isekeshev turǵyndardyń qoǵamdyq kólikte tegin júrý máselesine qatysty pikirin bildirdi, dep habarlaıdy Elorda.info.
Aıta keteıik, ár páterden aqsha jınap, turǵyndardyń qoǵamdyq kólikte tegin júrýine múmkindik jasaý týraly «Astana LRT» kompanııasy usynys jasaǵan bolatyn.
«Ár páterden 3857,3 teńge jınap, turǵyndardyń qoǵamdyq kólikte tegin júrýine múmkindik jasaý, bir jaǵynan paıdalanbaǵan qyzmetke aqy tóletýge ıtermeleýi múmkin. Sondyqtan bastamany osy kúıinde qabyldaýǵa bolmaıdy. Bul «Astana LRT» kompanııasynyń partııalyq tyńdaýda aıtqan usynysy ǵana. Ózge de ıdeıalar men usynys-pikirler saraptalyp jatyr. Ázirge naqty sheshim qabyldanǵan joq. Sondyqtan astanalyqtardyń alańdaýyna negiz joq», - dedi Áset Isekeshev.
Qala basshysnyń aıtýynsha, qazirgi ýaqyta Astananyń kóliktik keshenin damytý modeliniń alǵashqy kezeńi bastaldy. Arnaıy jumys toby máseleni sheshýdiń túrli joldaryn qarastyratyn bolady. Barlyq saraptamalar júrgizilgennen keıin usynys ákimdiń qaraýyna túsedi.
