Isekeshev qoǵamdyq kólik máselesine qatysty qoǵamdyq tyńdaý ótkizedi
ASTANA. QazAqparat - Astana qalasynyń ákimi Áset Isekeshev qaladaǵy qoǵamdyq kólik salasyndaǵy problemalarǵa qatysty qoǵamdyq tyńdaý ótkizedi, dep habarlaıdy QazAqparat tilshisi.
«Biz qaladaǵy qoǵamlyq kólik qozǵalysynyń damytýdyń naqty josparyn ázirledik. Qańtar aıynda osy másele boıynsha kólik uıymdarynyń (taksı, avtopark, jol polıtsııasy jáne t.b) barlyǵyn shaqyryp qoǵamdyq tyńdaý ótkizýdi josparlap otyrmyn»,-dep jazdy qala basshysy Feısbýk áleýmettik jelisindegi paraqshasynda.
Isekeshev atap ótkendeı, qala turǵyndarynyń kóbi qoǵamdyq kólik salasyna qatysty kóp syn-pikir aıtyp júr. Astanalyqtardyń basym bóligi qoǵamdyq kóliktegi qyzmet kórsetý deńgeıiniń nashar ekenin, júrgizýshiler men kondýktorlardyń dórekiligin, lyq toly avtobýstar men qaladaǵy keptelisterge qatysty aryzdaryn aıtady.
Aıta keteıik, 29 qańtar kúni saǵat 10.00-de Saryarqa aýdandyq ákimdiginiń ǵımaratynda qala ákiminiń birinshi orynbasary Sergeı Horoshýn osy másele boıynsha keńes ótkizedi.
