Isekeshev qar tazalaýshylar arasyndaǵy jemqorlyqty qurtpaqshy
ASTANA. QazAqparat - Astana ákimi retinde alǵashqy qystyń qalyń qarymen kúresip kele jatqan Áset Isekeshev osy saladaǵy birqatar zań buzýshylyqtardan keıin jeke kásipkerlermen jumys jasaý ádisin ózgertpekshi, dep habarlaıdy QazAqparat tilshisi.
«Soltústikte ornalasqan bizdiń qalamyz úshin abbatandyrý jumystarynyń qanshalyqty mańyzdy ekenin bárimiz jaqsy bilemiz. Ásirese, qysta qardy únemi tazalap otyrý qajet. Ótken jyly bizde bir jaǵdaı boldy. Sybaılas jemqorlyqqa qarsy qyzmet bir topty quryqtady. Olar qar tazalaý kezinde zań buzýshylyqtarǵa jol bergen. Sol sebepti men osyndaı áreketterdi boldyrmaý úshin tıisti mehanızmdi ázirleýdi tapsyrdym. Bes jyldyq kelisimsharttar bolady. Sol kezde kásipkerler konkýrs negizinde birneshe sektordy alyp, qar tazalaı alady. Tehnıkany da satyp alady. Mine, osyndaıda memlekettik-jekemenshik seriktestik qaǵıdaty júzege asady. Al qala turǵyndary kimniń jáne qaı jerde qar tazalaıtynyn biletin bolady. Bul - áleýmettik jaýapkershilik. Biz bolsaq,qarjy jaǵynan utamyz», - dedi Isekeshev búgin Astana kásipkerleriniń jyl saıynǵy konferentsııasynda.
Aıta keteıik, búgingi jıyn barysynda Isekeshev azyq-túlik dúkenderi men dárixanalary az jerlerde ondaı bıznesti ashýǵa nıet tanytqan kásipkerlerge jeńildik jasaýǵa daıyn ekenin jetkizdi.
Sondaı-aq Astana ákimi EKSPO kezinde tamaq máselesin qalaı sheshetinin aıtypberdi.
Al «Atameken» UKP basqarma basshysynyń orynbasary Nurjan Áltaevtyń bazarda satylatyn kartoptyń Makınski men Pavlodardiki emes ekenin málimdedi.
