Isekeshev elordalyq polıtseılerge 100-ge jýyq jańa kóliktiń kiltterin tabystady
ASTANA. QazAqparat - Astana qalasynyń ákimi Áset Isekeshev Qazaqstandyq polıtsııa kúni qarsańynda elordalyq Іshki ister departamentine jańa qyzmettik avtokólikterdiń kiltterin tabystady, dep habarlaıdy QazAqparat ІІD-niń baspasóz qyzmetine silteme jasap.
Astanalyq Іshki ister departamentiniń qyzmettik avtokólikteriniń sany Qazaqstanda qurastyrylǵan 94 kólikke tolyqty. Avtokólikter sıgnaldy-daýys zoraıtqysh qurylǵylarmen, radıostantsııalarmen, beıne tirkegish jáne basqa da zamanaýı tehnıkalyq talaptarǵa saı quraldarmen jabdyqtalǵan.
Jańa avtokólikter jol-patrýldik polıtsııa polkine, ýchaskelik polıtsııa ınspektorlaryna, Jergilikti polıtsııa qyzmetiniń kınologııalyq vzvodyna, aýdandyq basqarmalar men ákimshilik polıtsııanyń kezekshi bólimderine paıdalanýǵa berildi. Bul atalǵan bólinister qyzmetiniń jedeldigin arttyrýǵa jáne elordadaǵy qoǵamdyq tártipti qamtamasyz etýge septigin tıgizedi.
«Jol qaýipsizdigin qorǵaý maqsatynda polıtseıler súıemeldeýdi qamtamasyz etip, EKSPO halyqaralyq kórmesine kelgen mektep oqýshylaryna, basqa aımaqtardan kelýshilerge jáne sheteldik týrısterge qala aýmaǵyna beıimdelýine kómek kórsetedi», - delingen taratylǵan habarlamada.
