Isekeshev elordalyq memorgandarǵa Joldaýdy oryndaýǵa baılanysty birqatar mindetter qoıdy
Astana qalasynyń ákimi Á.Isekeshev Memleket basshysynyń Joldaýyn oryndaý barysynda elordalyq memlekettik organdar aldynda birqatar mindetter qoıdy.
«Prezıdent 10 negizgi mindet qoıdy. 11 qańtarda Úkimet otyrysynda Qazaqstan Respýblıkasynyń Premer-Mınıstri Baqytjan Saǵyntaev Joldaýdy iske asyrý týraly tapsyrma berdi. Birinshiden, ındýstrııalandyrý salasynda bıznestegi zamanaýı tehnologııalardy engizýden jáne osyndaı kásiporyndardyń qoldaýymen ekonomıkany tsıfrlandyrýǵa baılanysty qyzmetkerlerdi bosatýdyń tetikterin ázirleý qajet», - dedi Astana ákimi.
Áset Isekeshev bosatylǵan jumysshylardy jumyspen qamtý boıynsha saıasatty anyqtaý jáne tutastaı alǵanda eńbek aǵynyn qamtamasyz etý úshin belsendi jumys isteý qajettigin atap ótti. Sonymen qatar, ákim resýrstyq áleýetti damytýǵa qatysty bir aıdyń ishinde qatty turmystyq qaldyqtardy qaıta óńdeý jáne óńdeý júıesin qurý boıynsha jol kartasyn ázirleýdi tapsyrdy.
«Ótken jyly biz qatty turmystyq qaldyqtardy joıý baǵdarlamasyn bekittik. Biz jańa ekologııalyq baǵdarlama boıynsha jumys isteı bastadyq. Ǵalymdar men sarapshylardyń qatysýymen dóńgelek ústel ótkizilip, Energetıka mınıstrligine ekologııalyq kodeks boıynsha usynystar ázirleý qajet», - dedi Áset Isekeshev.
«Aqyldy tehnologııalar» baǵyty boıynsha - agroónerkásiptik keshendi damytýda serpilis jasaýǵa múmkindik týdy», - degen qala ákimi Qazaq agrotehnıkalyq ýnıversıtetiniń bazasynda elimizdiń barlyq óńirlerinen fermerlerdi agroónerkásiptik keshende jańa tehnologııalardy úıretetin zamanýı ortalyq qurý múmkindigin qarastyrýdy usyndy.
Ákim sondaı-aq, qala qurylysyn jobalaý jáne josparlaý tásilderine qatysty jańa qurylys tehnıkasyn qoldaný turǵysynan qurylys salasynda normatıvtik quqyqtyq aktilerdi ózgertý boıynsha jańa usynystar ázirleýdi jergilikti memlekettik organdarǵa tapsyrdy. Áset Isekeshev turǵyn úı-kommýnaldyq sharýashylyq ınfraqurylymyn jańǵyrtý maqsatynda MJÁ (memlekettik-jekemenshik áriptestik) mehanızmderin qoldaný qajettigin atap ótti.
