Isekeshev elordada Jańa jyl túni qalaı ótkenin aıtty
ASTANA. QazAqparat - Astana qalasynyń ákimi Áset Isekeshev óziniń Feısbýktegi paraqshasynda Jańa jyl túni qalaı ótkendigin jazdy, dep habarlaıdy QazAqparat.
«Qurmetti dostar! Taǵy da Jańa jyldaryńyzben quttyqtaımyn! Múmkindikti paıdalanyp, kúni-túni qyzmet atqaryp jatqan qalalyq qyzmetterdiń qyzmetkerlerin jeke quttyqtap, alǵysymdy bildirgim keledi. Búgin tańerteń barlyq qyzmettegi áriptesterimmen birge aralap ótip, esepterin tyńdadyq. Jappaı qydyrýlar bolǵanyna qaramastan tún shtattyq rejimde ótti. Sý, elektr energııasyn tutyný kúrt artqany baıqaldy. Qalalyq barlyq qyzmetter kúsheıtilgen rejimde jumys istedi, kúrdeli irkilester bolǵan joq. Túnnen bastap 1,5 myńnan astam adam men 300-den astam tehnıka qar tazalaý jumystaryn júrgizýde. Sý, káriz, jaryq, jylý boıynsha kezekshi brıgadalar shtattyq rejimde jumys isteýde. Polıtsııa qyzmetine de júkteme aýyr. Baqytymyzǵa oraı jańa jyl túninde aýyr qylmystar jasalǵan joq», - dep jazdy elorda ákimi.
