Isekeshev ekologııalyq zańnamaǵa ózgerister engizýdi usyndy
ASTANA. QazAqparat - Elordanyń ekologııalyq qaýipsizdigin qamtamasyz etý úshin otyn sapasyn baqylaý boıynsha zańnamaǵa ózgeris engizý kerek. Bul týraly shahardyń damýy taqyrybyna arnalǵan májiliste elorda ákimi Áset Isekeshev aıtty, dep habarlaıdy QazAqparat.
Ákimniń sózine qaraǵanda, Elbasynyń tapsyrmasy boıynsha, qalanyń ekologııasy máselesi erekshe baqylaýǵa alyndy. Sáıkesinshe, 2018-2020 jyldarǵa arnalǵan úshjyldyq keshendi jospardy júzege asyrý sharalar atqarylýda.
Jospar tórt bólimnen turady: atmosferalyq aýa sapasyn jaqsartý, sý resýrstaryn retteý, kógaldandyrýdy damytý, sondaı-aq qaldyqtardy basqarý. Onyń aıasynda 133 shara qamtylyp otyr.
Belgili bolǵandaı, 2017 jyly qala aýmaǵynda 311 837 túp aǵash otyrǵyzyldy. Al bıyl 395 myń túp aǵashty otyrǵyzý josparlandy.
«Ekologııalyq qaýipsizdikti qamtamasyz etý maqsatynda kómir, janarmaı sapasyn baqylaý, kólikti ekologııalandyrý, sondaı-aq qaldyqtardy bólip jınaýdy engizý boıynsha ekologııalyq zańnamaǵa birqatar túzetýler qarastyrý qajet. Tıisti usynystardy mınıstrlikpen pysyqtap jatyrmyz», - dedi Isekeshv.
