Isekeshev balalarmen birge jańajyldyq merekege qatysty
ASTANA. QazAqparat - Astana ákimi Áset Isekeshev pen onyń orynbasary Ermek Amanshaev QR Prezıdenti atynan jańajyldyq shyrshadaǵy balalardyń hormen júrý sharasyna qatysty, dep habarlaıdy QazAqparat tilshisi.
Sonymen birge, Oqýshylar saraıyndaǵy «EXPO jańajyldyq ottaryna» QR Bilim jáne ǵylym mınıstri Erlan Saǵadıev pen vıtse-mınıstr Elmıra Sýhanberdıeva keldi. 
Ertegideı bezendirilgen shara 200 balaǵa arnap uıymdastyryldy, onyń 28-i jetim, 79-y ata-ana qarýynsyz qalǵandar, 14 - múmkindigi shekteýli jáne 55 - az qamtylǵan otbasynan shyqqan, 24 - daryndy bala bar.
Memrekede ertegi keıipkerleri bar jarqyn shoý-qoıylymdy balalar bı ansambli qoıdy.
Kostıýmder arasynda klassıkalyq aqshaqar, patsha men patshaıym, noıandarmen birge zamanaýı mýltfılmder men komıksterdiń keıipkerleri boldy. Qazaqtyń ulttyq kostıýmderin kıgender de az bolmady. Eki qyz rıýkzak pen chemodan obrazynda keldi. Olar kostıýmdi mektep muǵalimderiniń daıyndap bergenin aıtty.
Basty keıipker Aıaz Ata kelgenshe, QR Prezıdenti Nursultan Nazarbaev balalardy Jańa jyldyń kelýimen quttyqtady. «Bizdiń barsha halqymyz - úlken otbasy sekildi. Jańa jyl - ǵajaıyptar kezeńi, biz de, eresekter de ǵajaıypqa senemiz. Qajyrly eńbek, birlik, Otanǵa degen súıispenshilik kez kelgen armandy oryndaı alady», - dedi Memleket basshysy beıneúndeýde.
Jańajyldyq erteńgilik aıaqtalǵan soń, ár qatysýshy jańajyldyq táttiler men kitaptardy syıǵa aldy. Ustazdardyń aıtýynsha, syılyqtardy astanalyq bilim berý basqarmasy tartý etken.
