Isekeshev Astananyń sanıtarlyq tazalyǵyna qatysty tapsyrmalar berdi
ASTANA. QazAqparat - Búgin apparattyq keńeste elorda ákimi qalany abattandyrý jáne sanıtarlyq tazalaý jóninde tapsyrma berdi, dep habarlaıdy Astana ákimdiginiń baspasóz qyzmeti.
«Qazir óliara kezinde, bári de erip jatqanda, barlyq kommýnaldyq qyzmetter men barlyq merdigerler qalany barynsha taza ustaýy qajet», - dedi ákim.
Áset Isekeshev aýdan ákimdikteri men ókiletti vedomstvolardyń jetekshilerine bul baǵyttaǵy jumystardy kúsheıtip, qurylys nysandarynyń qorshaýyna, belgilenbegen oryndardaǵy qoqys tógýge, batpaqty shyǵarýǵa, belgilenbegen jerde saýda oryndary men metall qabyldaıtyn beketterdi uıymdastyrýǵa qatysty olqylyqtardy joıýdy tapsyrdy.
Sondaı-aq, keńes barysynda Áset Isekeshev «Astana - taza jáne qaýipsiz qala» aılyǵynyń bastalǵanyn málimdedi.
Jalpyqalalyq senbilikti elordada sáýir aıynyń sońynda ótkizý josparlanýda.
