Isekeshev astanalyqtardy Tuńǵysh Prezıdent kúni merekesimen quttyqtady
«Sizderdi 1 jeltoqsan - Qazaqstan Respýblıkasynyń Tuńǵysh Prezıdenti kúni merekesimen shyn júrekten quttyqtaımyn!» delingen quttyqtaý hatynda.
Elorda ákimi Qazaqstannyń táýelsiz memleket retinde qalyptasýy, ekonomıkasy qýatty, eńseli el atanýy Elbasymyzdyń esimimen tyǵyz baılanysty ekenin, sondyqtan búgingi kún jalpy halyq bolyp atap ótetin merekege aınalǵanyn atap ótti.
Ákim Táýelsizdiktiń 25 jylynda Elbasymyz júrgizgen salıqaly saıasattyń arqasynda elimizdi mekendegen túrli etnostar ózara tatýlyqta ómir súrip jatqanyn tilge tıek etti. Qazaqstan álemniń alpaýyt elderimen teń dárejede áriptestik ornatyp, ǵalamdyq mańyzdy bastamalardyń ordasyna aınaldy. Álem jurty elimizdi kóptegen ıgi istermen tanyp-bilýde. Bul júıeli jospar men qajyrly eńbektiń arqasy. Azamattarymyzdyń boıynda eldik sana, erteńge degen senim qalyptasty.
«Elbasymyz qazyǵyn qaǵyp, bolashaǵyn baǵdarlaǵan araıly Astanamyz da búginde álemniń úzdik shaharlarynyń biri. Elimiz ben eńseli Elordamyzdyń alar asýy alda, bolashaǵy jarqyn dep senemin.
Barshańyzǵa zor densaýlyq, qajymas qaırat, otbasylaryńyzǵa yrys pen bereke tileımin!» delingen quttyqtaýda.