Isekeshev Astanadaǵy tútinge qatysty: Munymen uzaq ýaqyt aınalysýǵa týra keledi
ASTANA. QazAqparat - Elorda ákimi Áset Isekeshev lastanǵan aýany tazartýǵa qatysty Beıjińniń qabyldaǵan sheshimderine qyzyǵýshylyq tanytty, dep habarlaıdy QazAqparat.
Astana ákimdiginde ótken qala aýasyn tazartý máselelerine arnalǵan dóńgelek ústel otyrysynda qytaılyq sarapshy Beıjińniń atmosferasyn tazartý baǵytynda atqarylǵan jumystar jaıynda baıandama jasaǵan edi. Osy rette Áset Órentaıuly oǵan qyzyǵýshylyq tanytty.
«Astanalar sherýi» jobasy aıasynda baýyrlas qala Beıjińdi de shaqyramyz. Atalǵan sharanyń taqyrybyn ShYU seriktestigi aıasyndaǵy jasyl Jibek jolyna da arnaýǵa bolady. Sizder seriktestik aıasynda sarapshylardy, mamandar men kásipkerlerdi alyp kelseńizder. Jaqsy tájirıbelerińiz bar», - dep atap ótti elorda ákimi qytaılyq sarapshyǵa qarata.
Osy rette Áset Isekeshev elordadaǵy tútinmen kúres máselelerine toqtaldy.
«Qaıǵy-muń bolmas edi, baqytsyzdyq kómektesti» demekshi, bizde 10 kún qatarynan jel bolmaǵan kezde Astana úshin ádetten tys tútindi barlyǵy kórdi jáne barlyq turǵyndar bul máselege nazar aýdaryp, alańdaı bastady. Jalpy, jeldiń saldarynan mundaı jaıt bizde sırek oryn alady. Degenmen kózge kórinip turdy. Bul jaıynda tútin bolmaǵan kezde emes, dál qazir oılaný qajet», - dedi ol.
Sonymen qatar qala basshysy bul máseleni sheshý barysynda Sıngapýr, Máskeý jáne Shyǵys Eýropa elderiniń, Kanadanyń tájirıbesi zerdelengenin atap ótti.
«Ol jaqta júıe qalyptasqan. Olar: ınstıtýttar, sarapshylar, ÚEU, túrli qorlar. Jaýapkershilik sharalary da qatań, kásiporyndy jaýyp tastaı da alady. Biz bul máselemen aınalysa bastaǵanda júzdegen sheshimin kórdik», - dep atap ótti elorda ákimi.
Qala basshysynyń aıtýynsha, myńdaǵan qoǵamdyq kólikti ekologııalyq taza otynǵa aýystyrǵanmen aýany lastaý problemasy sheshilmeıdi. Óıtkeni, qalada kúnine myń kólik jolǵa shyǵady.
«ıAǵnı, bul ońaı sharýa emes. Ákimdik qandaı da bir baǵdarlama ázirlep, bıýdjetten qarjy bóledi, qala tazara túsedi dep oılaýdyń qajeti joq. Beıjiń bul máselemen 20 jyl aınalysyp kele jatqanymen, Shveıtsarııaǵa jete alar emes. Bizge munymen baıypty ári uzaq ýaqyt aınalysýǵa týra keledi», - dedi Áset Isekeshev.
